ქართულ ნაყინებში ახალი „პინგო“ ლიდერობს

რომელია თქვენი საყვარელი ქართული ნაყინის მწარმოებელი კომპანია - MYREST.GE-მ ამ შინაარსის გამოკითხვა ჩაატარა,  რომელიც 3 კვირა გრძელდებოდა. მომხმარებლებს არჩევანი 8 ნაყინის მწარმოებელ კომპანიას შორის უნდა გაეკეთებინა - „ბარამბო", „პინგო", „თოლია", „გურჯაანი", "ლიდერი", "ალგინდა", "პოპი" და "კამპარა".

გამოკითხვაში myrest.ge-ს 100-ზე მეტმა მომხმარებელმა მიიღო მონაწილეობა და უმრავლესობამ უპირატესობა  ახალ ნაყინს „პინგოს" მიანიჭა, ის მომხმარებელთა 22%-მა აირჩია. "პინგო" გაყიდვაში რამდენიმე თვეა ჩაეშვა და უკან ჩამოიტოვა "გურჯაანი" და "თოლია". 

მეორე ადგილზე გავიდა "გურჯაანი" 20%-ით. მესამე ადგილი კი "თოლიამ" დაიკავა 19%-ით. 

დანარჩენი ხმები შემდეგნაირად გადანაწილდა:

 „ბარამბო" - 16%,

„ალგიდა" - 10%,

„კამპარა" -  8% ხმა,

"პოპი" - 4 %,

"ლიდერი" - 1%.